Sa Marmidda, unu pagu de istòria in sardu de custa terra…
La Marmidda és la zona per on vaig voltar les meves últimes vacances a Sardenya. És un paisatge preciós, enturonat i tancat per muntanyes més altes a la llunyania, carregat d’història per tot arreu, des del nurag patrimoni de la UNESCO de Barumini fins als diversos castells, o simplement els portals de les cases. Ahir vaig trobar diverses pàgines d’internet de la zona amb molta informació en llengua sarda i ara us reprodueixo un resum del territori en la varietat sarda de la zona:
Sa Marmidda (o Mramidda) est una regioni stòrica de sa Sardìnnia, lacananti cun su Campidanu e cun su Sartzidanu. Po su chi pertocat sa giologia, sa Marmidda est nàscia 30 millionis de annus a oi ca, po mori de s’Africa chi at stùmbiu contras a s’Europa, sa Sardìnnia s’est stesiada de sa costera europea. In su Miocene inferiori (de 24 a 20 millionis de annus a oi) s’àcua de su mari est intrada aundi imoi ddoi est su Campidanu, lompendi finsas aundi imoi ddoi est sa Marmidda e sa Trexenta. In su Messinianu (5 millionis de annus a oi) s’Africa at sighiu a donai colladas contras a s’Europa, stesiendi sèmpiri de prus sa Sardìnnia de sa terramanna europea, fendi sperefundai sa parti de Obrescidroxu (it. “orientale”) in su Mari Tirrenu.
S’atividadi burcàniga, 3 millinonis de annus a oi, at fatu nasci is pranus de sa Marmidda. A-i custus ddis nant «Giaras» fueddu sardu chi ndi benit de sustrau linguìstigu nuraxesu (incapas pre-nuraxesu puru) e chi tradùsiu in italianu inditat “tutti gli altopiani più o meno estesi di forma piana o di altare e di roccia lavica e vulcanica”. Labai is prus famadas: Giara de Gesturi, Giara de Siddi e Giara de Serri. A s’acabu de su Pliocene Superiori e de su Cuaternàriu (de 2 a 1 millioni de annus a oi) sa Marmidda at cumentzau a tenni sa bisura chi connosceus imoi.
Is biddas de sa Mramidda funt: Baràdili, Baressa, Barùmini, Biddanoa Forru, Biddanoa Franca, Crucuris, Forru, Frutei, Gesturi, Gianui, Gonnacodina, Gonnanò, Gonnatramatza, Is Pratzas, Luamadrò, Mara (o Biddamara), Masuddas, Mòguru, Pauli Arbarei, Sardara, Seddori, Segariu, Setzu, Siddi, Soramanna, Tuili e Turri.
Sa Marmidda est prena de nuraxis e de tumbas nuraxesas, innoi nd’arregoradus unus cantu sceti: «Sa Domu de s’Orcu» (de Siddi); «Sa Fogaia» (sèmpiri in Siddi); «Su Nuraxi» (de Barùmini); «Genna Maria» (de Biddanoa Forru) e atrus meda…
In Marmidda sa genti fueddat una sutabariedadi de Sardu campidanesu chi ddi nant «marmiddesu» (o «mramiddesu»). A chini bolit connosci mellus sa fueddada siddesa e marmiddesa ddi cunsillaus de castiai sa parti chi pertocat sa lìngua Sarda.
Massimo Madrigale su Dotori
Extret de http://ufitziu.comunesiddi.sardegna.it/sa-marmidda.html
Comments